Міністер здравотництва Каміл Шашко (Hlas-SD) хоче, жебы была до конця рока прията леґіслатіва, котра дїтём забезпечіть право на притомность спроваджаючой особы почас госпіталізації. Нарядив приготовити пропозіцію потребных змін, котры бы хотїв передложыти на найблизшу рядну стрїчу Народной рады СР. Увів то на четверёвій тисковій конференції. Міністер у фебруару декларовав, же хоче рішати вопрос притомности родіча в шпыталю почас госпіталізації дїтины. Підкреслив, же притомность родіча не лем же понижує стрес дїтины, але додавать і практічну підпору здравотницкому персоналу.

(TASR, Шутіова)