x

Шкандал з еврофондамі на выскум

00

38873„O черьпаню фінанцій з еврофондів на підпору довгочасного стратеґічного выскуму і розвитку будеме говорити на коалічній раді,“ твердить Мост-Гід. О тім, ці мать міністер школства Петер Плавчан одступити, як жадать опозіція, не одповіли. „Oчекуєме, же кедь по перевіріню вызвы ся похыбности потвердять, міністерство буде робити далшы крокы, повідать Мост-Гід. Шкандал з еврофондами в резорті школства ся тягать уж три тыждні. Ку тому теперь прибыло і перше підозріня з корупції. Єден з членів оціночной комісії проєктів при здобытю проєкту за 7 міліонів, просив за його схваліня уплаток 20 процент із даной сумы. Но шкандал є омного россяглішый, вызвы на еврофонды выголошовала Выскумна аґентура, oрґанізація, котра прямо належыть під міністерство школства. Miністер Плавчан собі выбрав і теперішнього шефа Беляньского на чело аґентуры, а то іщі влони, в маю. Тот на опросы о крітеріях коло оціньованя проєктів не одповідать і одказує прямо на міністерство школства. На поверьх выходить і копа неясности і похыбности о тых фірмах, котры дістали з еврофондів міліоны евр.
(Анна Кузмякова)