Председа опозічного руху PS Міхал Шімечка вызвав шефа коалічной SNS Андрея Данка, абы одыйшов з владной коаліції, котра шкодить Словакії. Увів то в реакції на Данковы высловы по робочім сеймі народной партії. „Кедь председа єдной з коалічных партій переберає становіска і крітіку опозіції, так про Роберта Фіца є то на рушник. Притім Андрей Данко высловив лем то, што вшыткы видять, же Робертови Фіцови уж не іде о керуваня і добро жытелів, уж йому іде лем о каюцників і припад Тібора Ґашпара,“ конштатовав Шімечка. SNS має подля Данка почутя, же Словакія стаґнує. „Люде од нас чекали рішіня. Днесь видять председy влады, котрый кажду неділю рішыть лем каюцників. Так взникають релевантны вопросы – чом ся тот штат не керує?“ підчеркнув. Председа SNS єдночасно высловив повну підпору сучасній владній коаліції і повів, же вірить в „пробуджіня“ Роберта Фіца. (TASR, Пкф)