Як бы ся вольбы до Народной рады СР одбыли в новембрі, выграла бы  партія Глас-соціална демокрація з прибытком 19,1 процентів голосів. На другім місці бы скінчів рух  OĽANO з підпоров 14 процентів.  Третьов бы была партія SaS з 12,1 процентами голосів. До парламенту бы ся достало вісем партій. Выходить то з дослідженя аґентуры Focus про TV Markíza. На четвертім місці в дослідженю скінчила ĽSNS з 9,6 процентами і тісно за ньов Smer-SD з 9,5 процентами голосів. Наслідує Сьме родина з прибытком 6,1 процентів голосів, Проґресівне Словеньско з 5,9 процентами і до парламенту бы ся достало і  KDH з 5,1 процентами голосів. (TASR, Pkf)