В коморі народностных меншын, котра творить часть Рады влады СР про народностны меншыны, буде мати єдным членом заступницьтво і ґоралска народностна меншына. Выходить  то із зміны і доповніня штатуту рады, котрый в середу схвалила влада. „Цільом є указати признаня ґоралской комуніты, жыючой в Словацькій републіці, за народностну меншыну через залучіня єй заступцю до Рады влады СР про народностны меншыны,“ пояснив доповніня статуту председа влады СР Роберт Фіцо, котрый быв предкладательом пропозиції. Ґоралів як 15-ту офіціалну народностну меншыну в СР признали рішіньом влады на кінці януара 2025-го рока. (TASR, Pkf)