Скоро дві стовкы пожарників помагали вчера од скорого рана з ліквідаційов сніговой каламіты в 25селах Жілінского края, конкретні в окресох Чадца, Наместово і Жіліна. В єденастьох локалітах края є єдночасно од вівторка поужыта і тяжка выслободжуюча пожарна техніка. Інформував о тім словацьку пресову аґентуру ТАСР жілінскый крайскый діректор Гасічского і захранного корпусу (ГіЗК) Ярослав Капусняк, котрый окрім іншого повів, „ з цілкового чісла пожарників, котры засягували на території края было 130 добровольців і 60 професіоналных членів ГіЗК. Пожарникы знову помагали жытелям в Оравскій Лесні. Ішло главні о ліквідацію снігу зо стріх. Ліквідували тыж сніг із дорогы до осады Деменова.“ (TASR)