На Словакії бы міг прибыти новый памятный день. Ішло бы о День жертв пандемії COVID-19, котрый бы припав на 6-го марця. Выходить то з новелы закона о штатных святах, дньох робочого покоя і памятных днів, котры посланці Народной рады СР днесь посунули до другого чітаня. Предкладателі з клубу OĽANO попередили, же оставшы по жертвах на Словакії ся споїли в обчаньскім здружіню Реалны жертвы (Skutočné obete) і моцують ся о припомянутя памяткы своїх близькых і ініціятівов на одобріня Дня жертв пандемії COVID-19, котрый бы быв 6-го марця, протоже є то день першого потвердженого припаду захворіня  COVID-19 на Словакії. (TASR, Pkf)