Опозічный рух Progresívne Slovensko є охотный додати підписы своїх посланців ку позмінюючій пропозіції, котра бы зрушыла дань з трансакцій про часть субєктів. Повів то в понедільок лідер PS Михал Шімечка в реакції на высловы председы SNS Андрея Данка ку своїй пропозіції на зрушіня дани з трансакцій. Крітіковав коаліцію, же якбач буде тырвати дакілько місяців, покля прийде ку зрушіню той дани. Подля Шімечкы проґресівці суть приготовлены зробити вшыткы крокы в Народній раді ку тому, жебы тота дань была зрушена. Покля Данко, котрый пришов із ініціатівов зрушыти тоту дань, не має доста підписів посланців, жебы міг подати позмінюючу пропозіцію, пак PS пропонує, же му тоты підписы рух додає. А пак і голосы на зрушіня дани. Шімечка на пресконференції в понедільок вызвав презідента Петра Пеллеґріні і Данка, жебы діяли і „не выгварали ся“, же не мож зрушыти дань. Дань з трансакцій почас вікенду крітіковав і презідент.

(Медвідь, TASR)