Председа Проґресівного Словеньска (PS)  Міхал Шімечка твердить, же його цільом є поразити Роберта Фіца у вольбах і вытворити ліпшу владу. PS хоче понукнути алтернатіву к сучасній владі. На пресконференції представив председа партії Міхал Шімечка тіньoву владу, тзв. Тім змін. Єдночасно вызвав і вшыткы опозічны партії, жебы вытворити одповідный тім одборників. Хоче так вытворити стабілнішу коаліцію і передыйти паду влады в сітуації, же бы в найблизшых вольбах выграв. Членами тіньoвой влады суть наприклад Людовіт Одор, Іван Корчок, Зоа Яврова ці колышній председа руху Міхал Трубан. (TASR, Пкф)