Опозічна партія Проґресівне  Словеньско (PS) буде мати сейм 28-го марца в Трнаві. Волити ся на нім буде председа, председницьтво і підпредседове. Міхал Шімечка є єдиным кандідатом на місце председы руху. Про пресаґентуру TASR то увелo медіалне одділіня PS. Партія собі кажды два рокы волить на сеймі нове веджіня. Шімечка веде PS од року 2022, знову го зволили за председу в маю 2024. Перед Шімечком вела PS од року 2020 Ірена Бігаріова, перед тым Міхал Трубан і Іван Штефунко. Председницьтво подля інформацій на сайті PS творить актуално председа і 19 членів. Підпредседами руху суть Зора Яурова, Штефунко, Трубан, Томаш Валашек і Сімона Петрік. (TASR, Пкф)