19-го октобра 2017-го року святочно передавали оцініня тым селам, котры ся запоїли до конкурзу Село рока 2017 (Dedina roka 2017). Оцініня представителям успішных сел передав міністер жытовотного оточіня Словацькой републікы Ласло Шоймош в Оравскій Полгорі. Хоць цілковым переможцьом конкурзу ся стала Оравска Полгора, успішным было і русиньске село Чірч, котрого староста Михал Дідик привіз домів такой дві оцініня. Чірч, котрый ся до конкурзу приголосив першыраз, быв оціненый в катеґорії Село як партнер, а перше місце дістав і в інтернетовім голосованю людей.
(Петро Кімак-Фейко)