Ґрупа господарьскы силных країн G7 у віторок вызвала Кітай притиснути на Росію, жебы заставила свою аґресівну войну  і безодкладно, цілково а безусловно стягла свою армію з Україны. Згодли ся на тім міністры загранічных діл G7 на стрічі попри засіданю 78-ой Валной громады Орґанізації зъєдиненых народів у Ню Йорку. В сполочнім выголошіню міністры привітали участь Кітая на мірнім саміті в саудоарабскій Джідді і вызвали Пекін, жебы далше підтирмовав тырвалый і справедливый мір, а то і посередництвом прямого діалоґу з Українов.

(Медвідь, TASR)