Радіо і телевізія Словакії (RTVS) розшырює од днешнього дня телевізне народностне высыланя, котре ходить на проґрамі Dvojka.  Высыланя в єденадцятьох языках про 13 народностных меншын мінить час высыланя, а прибудуть і два новы проґрамы. Dvojka принесе позерателям новаый блок народностного высыланя каждый робочій день в часі од 8.00 до 9.00 год. Аґентуру TASR о тім інформував PR манажер RTVS Філіп Пуховскый. Понедільковы рана будуть належыти народностям, котры мають мале чісло членів. У вівторок ся будуть черяти проґрамы про русиньску і про україньску народностну меншыну. Середы і пятниці буде RTVS высылати в мадярьскім языку. Каждый четверь буде належати ромскій народностній меншыні. Раз до місяця буде мож позерати діскусны релації з общественного і політичного жывота. Тот рік будуть діскусії лем в мадярьскім і ромскім языку. Слідуючій рік бы уж мали до высыланя прибыти о діскусії по русиньскы. (ЛЕМ.ФМ, Pkf)