Коалічна SNS не є згодна з высланям вояків на Україну. Увела то в реакції на метаріял резорту обороны, з котрого выходить, же Словакія бы могла выслати вояків к аліанчній актівіті Безпечностной помочі і тренованя NATO про Україну (NSATU). SNS вызвала премєра Роберта Фіца і міністра обороны Роберта Каліняка, абы неуважовали о высланю вояків на Україну у звязку з посліднімя подіями на Словакію. Пресаґентуру TASR о тім інформувала говоркыня партії Зузана Шкопцова. (TASR, Pkf)