Кошіцї суть од днесь центром 16. рочника фестівалу сучасного уменя Біла ніч. До недїльной півночі озвлаштнить намістя, уліцї, паркы, фасады і облюблены інтерєры в містї. Окрем домашнїх ся представить і молода ґенерація авторів зо заграніча. Про TASR то увела умелецька директорка фестівалу Зузана Пацакова. Біла ніч в Кошіцях принесе цїлково 33 умелецькых проєктів од авторів з десятёх держав. Фестівалова траса поведе од Касарней Културпарку по Табачку Културфабрік, єй частёв буде і Ботанічна загорода Універзіты Павла Йосифа Шафарика в Кошіцях. Проґрам ся зачінать днесь по 19.00 г, у великій части є приступный задармо.

(TASR, Шутіова)