В Лютині буде выстава фотоґрафій із навщівы Папы Франціска на Словакії
00
![](https://www.rusyn.fm/wp-content/uploads/2024/04/papa_prjasiv-600x429-1.jpg)
Як інформовала Пряшівска ґрекокатолицька архієпархія, в стародавнім путницькім місці ґрекокатоликів – в Лютині, буде одкрыта выстава фотоґрафій із навщівы Святішого Отця Франціска на Словакії. Выставу орґанізує містна парохія вєдно із Обществом хрістіансьскых фотоґрафів Чоловік і Віра. Їй святочне одкрытя одбуде ся в неділю 14-го апріля 2024-го року, і буде єй мож посмотрити в просторах Ґалерії Мікулаша Климчака до 25-го мая. В день одкрытя выставы в лютиньскій базиліці кір Йона Максим, пряшівскый архієпіскоп і митрополіта одслужыть архієрейску літурґію, по котрой скінчіню буде участный і на вернісажи в ґалерії, котра стоїть в путницькім ареалі коло базилікы. Жрідло фотоґрафії: FB/LEM.FM (LEM.FM, Pkf)
-
Назад / Nazad В Просачові посвятили обновленый іконостас
-
Далше / Dalše Днесь ся розлучіли з дівчатами, котры траґічно загынули в Спішском Подграді