Містьскы посланці в Попраді вчера одобрили бесплатный містьскый транспорт (MHD) од септембра. Чіпову карту з фотоґрафійов собі путуючі з тырвалым перебываням в місті будуть мати можность актівовати за рочный поплаток десять евр в інфоцентрі на автобусовій станіці. Выїмков суть старобны, інвалідны пензісты і діти до шість років, котры поплаток платити немусять. В скушобнім періоді од септембра до кінця рока буде транспорт цалком задармо, од нового року буде треба заплатити споминаных десять евр. Аплікація бесплатной MHD небуде мати неґатівный вплив на одобреный розрахунок на тот рік, позераючі але на днешню сітуацію, звышованя цін і ростучу інфлацію є шак подля радниці потрібне апліковати споминаный маніпулачный поплаток. (TASR, Пкф)