В неділю 23-го октобра навщівив парохію Якубяны в окресі Стара Любовня владыка Петро Руснак, апостольскый адміністратор Пряшівской ґрекокатолицькой архієпархії. При своїй навщіві посвятив нову будову комунітного центра, котрый є присвяченый блаженому Зефірінійови, першому ромскому мученикови. При тій нагоді посвятив і кивот, євангелиярь а богослужебны предметы. На кінцю торжественной літурґії владыкови подяковав парох Петро Мальцовскый. Подяка была высловлена і вшыткым донорам, жертвуючім і священикам, котры будьякым способом помогли ку выбудованю того центра, якый буде служыти містній ромскій комуніті.

(Медвідь, ISPA)