Далшы дві русиньскы села скапчать нова ціклотраса
![](https://www.rusyn.fm/wp-content/uploads/2023/07/vlyc_kryvyj-600x429-1.jpg)
Будованя новой біціґльовой стежкы в Полонинах, котра іде од села Влыч по село Кривый (Уліч і Уліч-Кривый за старым норматівным означованьом сел) почала. Пряшівскый самосправный край (ПСК) ту выбудує майже штири кілометры ціклотрас, нову ціклолавку і алтанок, і то за 1,64 міліона евр. Як інформовала у віторок 25-го юла 2023-го року Даша Єленьова, говоркыня ПСК, будованя ціклотрасы Влыч – Кривый є за порядком третій ціклопроєкт за тот рік, котрый ся реалізує в рамках інвестічной акції Poloniny Trail, якый є заміряный на выбудованя 86 км довгой турістічной трасы про біціґлістів. Ціна проєкту Влыч – Кривый є 1,64 міліона евр, і є фінанцованый посередництвом европскых і державных фінанцій. Пряшівскый самосправный край має сполуучасть в сумі 5 процент. (ЛЕМ.ФМ, ПКФ)
-
Назад / Nazad Коло Чабин порішыли проблематічный зосун драгы
-
Далше / Dalše В Полонинах выникать новый центер темного неба