Пряшівськы  містьскы посланці на вчерашнім онліне засіданю не схвалили векшу дань з маєтку. Причінов несхваліня даного наряджіня, котрым ся мали змінити таріфы дані на рік 2022, є пандемія захворіня на COVID-19. Пропозіція, котру мали на проґрамі, раховала звекшыти дань на будучій рік  о 3,8 процент. До розрахунку міста бы то принесло скоро 293.000 евр. При єдноштоковім родиннім домі з теріторійов 120 квадратных метрів бы было звекшіня о нецілы два евра, при квартелі з теріторійов 68 квадратных метрів бы то было скоро евро і при ґаражі 89 центів. (TASR, Pkf)