Атрактівіты водной надыржі Домаша а єй околіцї презентує нова мапа. Матеріал взникнутый в рамках польско-словацького мікропроєкту Карпатьскы моря буде перед лїтнёв турістічнов сезонов в реґіонї дістрібуовати Областна орґанізація путёвого руху Верьхній Земплін і Верьхній Шаріш (OOPR). Як про TASR увела выконна директорка ООПР Михаела Здражілова, в семох рекреачных областях на Домаші орґанізація в проходячіх днях осадила і інформачны таблы, котры приближують інтересны місця в їх близкій околіцї. ,,На єднім боцї є мапа Домашы з означеныма бодми інтересу, є там наприклад і мінералный прамінь в Новій Келчі, на дугім боцї є опис Домашы в словацькім, польскім і анґлицькім языку а 18 атрактівіт в околіцї Домашы,“  приближыла Здражілова з тым, же єднака мапа взникла і на польскім боцї, презентує Соліньскы озера. Уточнила, же цїлём черезгранічного проєкту было спропаґовати понуку пригранічного реґіону з погляду водных плох а зарівно зосїтёвати єднотливы атрактівіты.

(TASR, Шутіова)