Короткый, но інтензівный додж і выбережіня Орябиньского потока запричінили в понедільок пополідне залятя части Старой Любовні. Потік заляв комплетно нове гріско зо штучнов травов, цілый ареал фотбалового штадіона і антукове гріско. Затоплены были і будовы, повів пріматор Любош Томко. Шкоды на маєтку затля порахованы не были. Під водов знайшло ся і село Орябина, кадыль так само тече Орябиньскый потік. Там была сітуація в понедільок пополідне найгірша. Ціла уліца зістала без драгы. Вода сторгла і сельску драгу, веце домів зістало одрізаных од світа. В селі зістало много попаданых стромів. Людям заляло і пивніці. Як повіла старостка Орябины Лівія Ковалчікова, в селі вже теперь рахують зо статісячовыма шкодами.

(Медвідь, TASR)