В справі так повіданого нелеґалного засягу до цінтеря з першой світовой войны в селі Ладомірова в окресі Свідник неіде о трестне діло, але о поступок, котрый бы міг быти іншым справным деліктом. Выходить то з выслову поліції і прокуратуры про пресаґентуру TASR з тым, же діло поступив поліцайный досліджователь Окресного уряду Пряшів. З поступом ся згоднув і прокуратор Крайской прокуратуры в Пряшові. Окресный уряд в припаді покы невырішыв. Російска амбасада в септембрі 2022-го року увела, же втодышній староста села Ладомірова Владіслав Цупер дав цінтерь баґром зрівнати зо земльов. Староста реаґовав, же то не є правда і гробы остали надале на своїх місцях. Поліція втогды інформації Російской федерації означіла за hoax. (TASR, Pkf)