Пряшівскый самосправный край (ПСК) зачав од суботы голосуваня за проєкты в рамках партіціпатівного розрахунку. Публіка своїм голосуваням вырішыть, хто здобуде фінанчну підпору края. ПСК розділить цілково 440.000 евр. Крайска самосправа о тім інформує на своїй інтернетовій сторинці. О наклонность ся тот рік уходить 64 проєктів. Найвеце з них є з окресу Пряшів, і то 13. Цілково сім проєктів є з окресу Бардейов, по шість з окресів Кежмарок і Меджілабірці. Пять проєктів є з окресу Сабінов і згодно по штирі мають окресы Попрад, Свідник і Вранов над Топльов. По три проєкты мають жадателі з окресів Гуменне, Левоча, Снина, Стара Любовня і Стропків. Публіка може голосувати до 5-го апріла. Зробити так може через SMS.   Список проєктів, як і способ поступу при голосуваню, є  опублікованый на інтернетовій сторинці ПСК. (TASR, Pkf)