Окресны міста вышнього Земпліна глядають добровольників на выпомаганя при цілодержавнім тестованю. Вызву публіковали міста Гуменне, Снина і Меджілабірці на своїх інтернетовых сторінках. В Меджілабірцях мож на приголошіня окрім офіціалного формуларя схосновати і публікованы імейловы контакты ці телефонічне чісло на робітника містной самосправы. Гуменне так само публіковало і телефонічне чісло. Снина ся сполігать на приголошіня посередництвом офіціалного формуларя korona.gov.sk. Добровольників самосправы потребують на дві кола тестованя, значіть на 31-го октобра і 1-го новембра, а пак на 7-го аж 8-го новембра. В припаді інтересу можете найти вшыткы інформації на вебсайтах споминаных міст.

(Медвідь, TASR)