В сучасній епідеміолоґічній сітуації отворили окресны міста на вышнім Земпліні од днешнього  дня лем дакотры з матерьскых школ. О отворіня школьского клубу дітей  (ŠKD) про школярів першого ступня проявили інтерес лем родічі в Гуменнім. Як про пресову аґентуру TASR повів Маріан Шкуба з пресреферату гуменьской радніці, місто Гуменне, як зряджователь матерьскых школ, вырішыло  од 11-го до 15-го януара отворити пять матерьскых школ, якы ся будуть старати о діти тых родічів, котры не можуть роботу выконавати з дому.  В тім самім часі буде в Гуменнім отвореный і школьскый клуб дітей при Основній школі Кудловска. Затля о нього проявило інтерес 21 школярів. І в Снині почас того тыждня буде отворено пять матерьскых школ, а у Вранові над Топльов лем єдна. (TASR, Pkf)