Середні школы, котрых зряджовательом є Пряшівскый самосправный край (ПСК), мають перед другым колом принимаючіх екзаменів на штудійных і учебных одборох вольных іщі 540 місць. Далшых 192 місць остало вольных на двойрічных, тзв. Ф одборах, і то про школярів, котры скінчіли навчаня на основній школі скорше як у девятім класі. Іде так цілком о 732 вольных місць. Другы принимаючі екзамены на ненаповнене чісло місць ся одбудуть 17-го юна і то на 35 зо 67 середніх школах, котры ПСК мать в компетемнції. Конкретно одбудуть ся на штирьох ґімназіях края і на 31 середніх фаховых школах технічного, політехнічного, строярьского, умелецького і транспортного характеру, єдночасно і на школах з одбороами орєнтованыма на ґастро сферу, службы і торг. (TASR, Pkf)