В четверь 27-го юна в рамках Меджінародной літньой школы русиньского языка і културы – Studium Carpatho-Ruthenorum одбуде ся в будові ректорату Пряшівской універзіты в Пряшові промітаня дукоментарного філму о русиньскім писательови, народнім поетови із Підкарпатя, котрый вмер минувшый рік, Михаілови Чухранови. Режісером філму, котрый лем недавно премєровав ся на Підкарпатю, є Василь Кіш, як продуцент на філмі брав участь Юрій Продан – голова Закарпатьского областного научно-културолоґічного общества імени Александра Духновіча. Промітаня філму, котре є приступне про вшыткых заінтересованых, зачінать о 14.00 год.

(Медвідь)