В Пряшівскім краю ся затля списало 67,5 процент обывателів, а так є під цілословацькым діаметром. Інформує о тім говоркыня Списованя обывателів, домів і квартелів 2021 Ясміна Стаудер з тым, же дотеперь в рамках цілой СР ся списало понад 71 процент обывателів.  В Пряшівскім краю суть на тім найліпше села Нижня Писана (98 процент), Лужаны над Топльов (97,6  процент)  і Доброслава,  котра мать 96 процент зрахованых обывателів. “З другого боку суть села як Ломнічка, Яровніці і Подгораны, де ся затля списало лем девять аж 13 процент обывателів,“ інформує говоркыня. Крайске місто Пряшів мать списано 72,5 процент людей, Свідник 73, Гуменне 72,  Снина 71 а Стара Любовня скоро 70 процент списаных людей. (TASR, Pkf)