В селі Микова в Стропківскім окресі одбыла ся в пятніцю і суботу дваденна робоча порада редакторів, манажерів і технічных робітників інтернетового радія Русин.фм, котру скликав і вів директор радія Петро Штефаняк. На фаховій пораді брали участь актівны членове радія з Братіславы, Пряшова, Свідника, Меджілаборець, Ґіралтовець, але і колеґове з Польщі і Підкарпатя. На пораді оцінили роботу за минулий рік, представили тогорічны новоты і бісідовали о конкретных планах радія перед зрахованьом жытельства. По роботі не хыбила ґріловачка і смачны доброты. (А. Кузмякова)