Свідницькый шпиталь мать недостаток кровї
00
Свідницькый шпиталь просить дарців, абы прийшли даровати кров. Найкритічнішым періодом, кедь засоб є менше, суть якраз літні місяці. Пресаґентуру TASR о тім інформувала PR шпеціалістка сіті шпиталів Свет здравіа, до котрой свідницькый шпиталь патрить, Біанка Крейчіова. Як дале повіла, спотреба кровї є про звышене чісло зранінь і гаварій в літі высше і многы дарцове суть єдночасно мімо свого місця тырвалового перебываня. “Потрібна є главні кров даных кровных ґруп – А неґатів, Б неґатів, АБ неґатів, АБ позітів. Інтересуючі можуть прийти даровати кров на гематолоґічно-трансфузіолоґічне одділіня шпиталю кажду робочу середу в часі од 6.00 год до 9.00 год,“ повіла Крейчіова. (TASR, Pkf)
-
Назад / Nazad Снинчане можуть ся залучіти до розвоя міста посередництвом партіціпатівного розрахунку
-
Далше / Dalše Недостаток воды в Слатвинї огрожує отворїня матерьской школы