Сниньскый шпыталь одднесь має мобілне одберове місце на тестованя коронавірусу. Як звертать увагу на своїм сайті, тестовати буде лем тых, што мають COVID-19 pass. Одобераня взорок будуть робітници реалізовати прямо в авті. Одберовыма днями суть віторкы, середы і четверьгы, місце буде одкрыте од 6.30 до 8.30 год. Шпыталь припомнать, же в шпыталю ся не дасть обїднати на тест. Треба контактовати практічного лікаря або реґіоналный уряд верейного здравотницьтва, котрый в припаді потребы дасть пацієнтови єднозначный ідентіфікатор COVID-19 pass. Тот мож здобыти і індівідуалні, выповніньом формуларя на сайті korona.gov.sk.

(Медвідь, TASR)