Старостливость о лісні екосістемы патрить к найважнішым задачам народного парку. В Полонинах днесь реалізують манажованя теріторії в трьох локалітах. Інформувала о тім Справа Народного парку (НП) Полонины з тым, же іде о часті в катастралных теріторіях Стакчіна, Стащіньской Розтокы і Новоселиці і при реалізації охранцям помагають і фурмани. Як уваджать Справа НП, же про рік 2022 были вытіпованы поросты, котры мають змінене деревяне зложіня. Реґулатівныма  засягми хочуть спомянуте деревяне зложіня управити, і то на благо корінных дерев і звышыти екостабіліту наймолодшых лісных поростів. При роботі хоснують тоты найємнішы технолоґії, то значіть фурманів з конями. Їх основным інтересом є і таков формов забезпечіти інтерес по палівовім дереві про містных обывателів в сполупраці зо самосправами. (TASR, Pkf)