У селі Вышній Верлих проходить реконштрукція Сільского уряду. Як інформовав новинкы Dukla староста Ян Джупін, моментално в селі проходить реалізація проєкту з назвов Знижіня енерґетічных пожадавок културно-справной будовы Вышній Верлих, в рамках котрого ся затеплить будова, вымінить централне топліня за ґазове, вымінять ся світла, покладе ся нова сріха і одводнить будова. Як далше повів про ґазету староста села, є то проєкт Міністерства жывотного оточіня в рамках Европского фонду реґіоналного розвитку. Ставба была зачата 26-го апріля і вшыткы роботы бы мали быти закінчены кінцьом авґуста. Цілковы вытраты будуть понад 487 тісяч евр, з чого село співфінанцує проєкт сумов 23 207 евр.

(Медвідь, e-dukla.sk)