Село Біловежа, котре ся находить в Бардійовскім окресі є єдно з найстаршых сел окресу. Перша писомна згадка о селі є з року 1355. Того часу в нім жыє 802 обывателів і з даным чіслом обывателів, чіслом родинных домів ці територіёв на котрій ся розпростерать село належыть до середніх великых сел. Старосты села Петра Мікулы сьме ся опросили на што найвекшы увагу звертать при своїй роботі теперь в часі літніх вакацій, „якраз через літні вакації маме найвецей роботы, бо школы і школкы суть порожні. Тым, же і в Біловежі маме школу і школку, робиме в них удыржбу, реконштрукцію , одстранюєме наприклад і недостаткы на котры звернув увагу при послідній конторлі Реґіоналный уряд общого здравотницьтва з резіденціоёв у Бардіёві. Конкретні робиме реконштрукцію купельні і тоалетів в матерьскій школі, реконштрукцію складовых просторів в кухні. В просторах основной школы знова робиме пристрішкы і тым способом робиме естетізацію школского середовища, абы ся нашы діти ці уж в школці або в школі чули добрі, бо то є наша будучність.“
(TASR)