В Бахледовій долинї высадили в рамках Дня Земли веце як 1000 новых стромиків. PR манажерка центра Зузана Кухтова інформовала, же концём апріля ся до подїї орґанізованой в кооперації зо Справов Пєниньского народоного парку з навколїшныма школами, запоїло скоро 500 участників. Участници зарівно чістили природу в околіцї горьского середовища і Спішской Маґуры. Сполочныма силами ся їм подарило вызберати скоро 700 кіл смітя з навколїшнїх лїсів. Одборный выклад просто в теренї забезпечіли робітницї ПЄНАП-у,  котры участникам приближыли важны темы як взник лїса, охрана природы, правилне справаня на туріштічных трасах ці значіня біодіверзіты. Цїлый день ся ніс в дусї гесла тогорочной вызвы орґанізації Earth Day – „Our power, our planet“ – ,,Наша сила, наша планета“. Цїлём центра є запаяти ся до такых ініціатів  реґуларно а довгодобо з цїлём забезпчіти ,,розвиток з почливостёв ку природї“, увела Кухтова.

(TASR, Шутіова)