Пожаром деревяной стодолы і дальшых обєктів в селі Літманова в Старолюбовняньскім окресі ся заоберать поліція. Крайска поліцайна говоркыня з Пряшова Яна Ліґдаиова інформувала, же огень взникнув в ночных годинах зо суботы 11-го юна на неділю 12-го юна. Як дале говоркыня приближыла, же затля незнамый винник прийшов за єден  з родинных домів і помочов хімічной латкы запрічінив огень деревяной стодолы. Тота згоріла і пожар ся розшырив і на сусідні стодолы. Згоріли нелем обєкты, але і предметы в них уложены. Пошкоджены властниці цілкову шкоду на маєтку вырахували на 140.000 евр. (TASR, Пкф)