В Михаловцях ся у четверь зачали Днї міста, котры будуть до недїлї (22. 6.) а понукнуть проґрам про вшыткы віковы катеґорії. Частёв подїї є і Zemplín veterán rallye, на котрій бере тот рік участь 100 історічных моторів. Як про TASR увів сполуорґанізатор подїї Мікулаш Кошчо, участници суть переважно зо Словакії, але і з Чехії, Україны, Мадярьска і Польщі. ,,Тїшыть нас, же каждым роком прыбывають участници зо западнёго і выходного Словеньска. Окрем презентації ветеранів было нашым цїлём притягнути на выход людей, котры ту іщі не были,“ повів Кощо. Частёв проґраму суть і концерты, умелецькы выступлїня, образы ветеранів, добова модна переглядка ці выстава фотоґрафій ветеранів.

(TASR, Шутіова)