Місто Меджілабірцї приготовлює велику ревіталізацію околіцї Музея модерного уменя Енді Варгола. На проєкт здобыло з Проґраму Словеньско ненавратны фінанчны средства у вышцї 450.444,95 евр. Як інформує місто на соціалній сїтї, цїлковы выдавкы досягують 529.935,24 евр з ДПГ, причім сполуфінанцованя міста представлять 42.394,82 евр. Цїлём проєкту ,,Ревіталізація околіції Музея Енді Варгола Меджілабірцї“ є опараджіня верейного простору в околіцї музея посередництвом зеленї, будованя доджовой загороды і ретенчных плох, як і выставбы новых комунікаціїй, пішників і парковіска. Частёв проєкту є і іншталація верейного освітлїня, містьского мобіліару, оплотїня і дїтьскых гріск. Подля самосправы проєкт приносить не лем естетічны а функчны вылїпшіня, але і соціалны, економічны і енвіронменталны бенефіты.Про жытелїв міста, навщівників музея і родины з дїтми мать проєкт забезпечіти приємне, функчне і еколоґічне середовище.

(TASR, Шутіова)