Шпыталь в Снинї спустив ход нового мамоґрафічного апарату. Діґіталный мамоґрафічный апарат з прислушенством в годнотї 216- тісяч евр з ДПГ до Шпыталю Снина, с.р.о. купили з властных жрідел і з дарованых фінанчных средств двох пріватных компаній. Як інформує шпыталь на своїй вебовій сторінцї, новый, модерный апарат нагородив на радіодіаґностічнім оддїлїню дочасный мамоґрафічный апарат запожычаный на період до доданя нового.

(KORZÁR, Шутіова)