Pочас вікенду 2-го і 3-го юла в монастырьскім храмі отців редемпторістів у Стропкові одбыв ся одпуст на честь святых Кіріла і Методійя і Матери Божой безпрестайной помочі. Суботню архієрейску літурґію одправляв владыка Мілан Хаутур, емерітный єпіскоп Кошыцькой єпархії, вєдно з дакілько єпархіалныма священиками і отцями редемпторістами. В неділю торжественну архієрейску літурґію служыв владыка Маріян Андрій Пацак, емерітный торонтьскый єпарха. Владыкове  суть самы членами редемпторістів. Обидві літурґії своїм співом допроводив Хор святых Кіріла і Методія із Стропкова.

(Медвідь)