Господаріня Пряшівского самосправного края скінчило в минулім року з дефіцітом у вышкі вецей як 2,8 міліонів евр, в тім чіслі несуть зарахуваны фінанчны операції. Дефіціт быв крытый джерелами з минулых років і непоужытыма уверовыма джерелами. Приймы за минулый рік представували суму скоро 197 міліонів евр, выдавкы досягли вецей як 199 міліонів евр. Ведуча одбору фінанцій Уряду ПСК Даґмар Олекшакова повіла, же по аплікації фінанчных операцій піде наконець до резервного фонду ПСК вецей як 17,7 міліонів евр. На рахунку резервного фонду было ку кінцю мінулого рока 18,4 міліонів евр.
(Кімак-Фейко)