Днесь о 10.00 годині было в селі Сташківці, в окресі Стропків славностні одкрата дальша змодернізувана доріжна етапа в рамках Проґраму черезграничной сполупраці а то завдякы проєкту „Модернізація дорожного споїня Снина – Меджілабірці – Кросно“ в цілковій сумі 3,3 міліонів евр, котра мать помагати к постійному утримуваню черезграничного транспорту. Роботы на даных етапах были скінчены 25. апріля того року. В рамках споминаного проєкту было змодернізуваных 8,7 км доріг на двох ставебных етапах Міроля-Пстрина-крижовка Сташківці і крижовка Маківці-крижовка Сташківці. Окрім того ся подарило зреконштруовати 2 мосты і 21 доріжных такзваных пропущінь.
(Кімак-Фейко)