Обновленый ренесанчный Каштель Шередія із 16-го столітя в Зборові, Бардейовского окресу, в котрім буде і музейна часть, хоче село сприступнити перед літньов турістічнов сезонов у юні. Влони село закінчіло проєкт реконштрукції з европскых фондів в рамках проєкту черезгранічной співпраці Interreg V-A Польща – Словакія 2014 – 2020. Проінвестовав ся приблизно міліон евр. Село їднать о пожычіню збірковых предметів, жебы навщівникам вказати інтересны артефакты із Зборова а околіці. Експонаты бы подля старосты села Яна Шуркалы мали быти із Шарішского музея в Бардейові. Просторы на приземнім штоці бы мали служыти на репрезентатівны цілі.

(Медвідь, TASR)