Почас наслідуючіх трьох днів достане в Пряшові великый простор на презентацію тема архітектуры. Днес ся в Пряшові зачінать Фестівал архітектуры і дізайну 2017, котрый понукать выставы, презентації і дискусії на тему найновшых трендів в даній області. Як інформував референт прес-одділіня пряшівской радниці Мілан Ґрейтак, по минулорічнім першім річнику є замірьом орґанізаторів вытворити з фестівалу традицію. Заштіту над акціов перевзяла пріматорка міста Андреа Турчанова.
(Петро Кімак-Фейко)