Місто Пряшів ся і того року залучіло до Европского тыждня мобіліты. Завчав ся вчера і буде тырвати до віторка. Як  пресову аґентуру TASR інформoвав говорця міста Владимір Томек, главнов темов актуалного рочника є чістішый транспорт про вшыткых. Зато ся обертають на людей, жебы свої авта зохабили дома і выужыли здравшый  і приємнішый способ транспорту. В часі актуалного рочника можуть обывателі Пряшова і навщівници міста возити ся задармо в цілій сіті містьского громадного транспорту. Старчіть, жебы ся в часі цілого тыждня аж до понеділька превказали платнов шоферьсков леґітімаційов і технічнов леґітімаційов од свого авта. (TASR, Pkf)