В Старій Любовни ся у четверь зачав 32. рочник Любовняньского ярмарку, котрого частёв суть і многы супроводны подїї. Днесь (26.9.) і завтра (27.9.) ся навщівницї можуть тїшыти на пестрый културный проґрам такой на двох трібунах – перед окресным урядом і на Намістю св. Миколая. Ярмочників будуть два днї забавляти многы ґрупы і інтерпреты а трібуна на намістю буде патрити головно дїтём. Окрем продайных шатрів з різным сортіментом є приготовлена і Улічка ремесел, де сі навщіницї мають можность попозерати укажкы традічной выробы народных ремеселників. Ярмарок буде мати і харітатівный розмір. Орґанізаторы в повязаню з ярмарком упозорнюють і на зміну орґанізації транспорту а запертя містных драг.

(TASR, Шутіова)