Послідне лучіня з трьома молодыма дівчатами, котры траґічно умерли під колесами автобусу в соботу 6-го апріла в Спішском Подграді, ся одбуде в Старій Любовні в середу 10-го апріла. Інформувало о тім місто на соціалній сіті з тым, же о 10.00 год. одбуде ся в храмі Матері Божої неустанної Помочі при монастырї редемторістів архієрейска свята літурґія. Вшыткы три дівчата были із Старой Любовні і до Спішского Подградя ішли на традичну єпархіалну стрічу єпископа з молодежов. Єднов зо жертв є і дівка пріматора міста Любоша Томку. (TASR, Pkf)