Універзітный шпыталь Луя Пастера Кошіцї реконштруує міст Іпельска – SNP. Як выходить з контракту о дїло опублікованого в Централнім реґістрі контрактів, роботы за нецїлых 1,58 міліона евр без DPH мають быти готовы до половины децембра. Ставениско было зготовітелёви одовздане зачатком минулого тыждня. Подля уведженого контракту є заказка граджена зо шпыталя прыдїленых капіталовых выдавків з розрахунку Міністерства здравотництва СР а з властных жрідел шпыталя. Цїлём робот є одстранити невыговуючій став моста а наслїдно го зась увести до ходу. Частёв реконштрукції бы мала быти і управа усеків містной учеловой драгы безпосередно перед а за ним.

(TASR, Шутіова)