Любoвняньскый град із своїм музеом остав найвеце навщівлюванов културнов орґанізаційом Пряшівского самосправного края (ПСК) і в літній сезоні 2025. Тото чісло є нелем потверджіньом неперерывной єй популярности, але і справов о рекордній успішнiй сезоні про културу в цілім краю. Цілком прийшло за културом в ПСК почас літа веце як 331.000 людей, што представлює значне звышіня – о 26.000 навщівників веце як минулого рока в тім самім часі. Про пресаґентуру ТАСR то повіла Леа Леготьска з одділіня комунiкації Уряду ПСК. Як дале увела, од мая до септембра прийшло на град Любовня веце як 184.000 людей, што є о скоро 14.000 навщівників веце як в року 2024. Любовняньске музeюм собі тот тітул найулюбленіша інштітуція уж тримать пару років, чім подтверджує свою позицію реґіоналного лідра в турізмi і културі. (TASR, Пкф)